கறுத்த நிழல்களின் காலம்

தசை தின்று ஏப்பம் விடத்தொடங்கின
உடல்கள்
இருளின் அழுக்கேறி மெல்ல
மேகத்தால் புசிக்கப்பட்ட வறண்டு வீழ்ந்த நிலவொளியில்
உடல் தின்று அல்லது
ஒருவித நிழல் யுகத்தின்
அழுக்குகளை தின்று

கசிந்தும்
கசிந்தபின் கனத்ததும் அதனுடல்
அது என்றால் அவள்

பனிந்த புதரிலைகளில்
ஆடைகள் முளைத்த அதிசய நாளொன்றில்
பரிநிர்வாணமடைந்தேன்
காய்ந்து தகித்த உடலில் வேகமாய் கலந்து
பித்தொழுக
உயிர் நெய்தேன்

கோடையின் இயலாமை அவிழ்த்து விடுகிறது
உப்பொழுகும் நீர்மை
உடலின் கதகதப்பை உதட்டின் பிசுபிசுப்பை
இழக்கத்துணிகிறேன்
அவளென்றால் துளி

உருகியும் கருகியும் நிழல் வீழ்ந்தது
நிழலென்றால்
கொடிய புணர்வொன்றின் எச்சம்
மீண்டும் கறுத்த நிழல்களின் காலம் முடிந்தது
பூக்கள் இறந்த இடத்தில் ...